E-Peak inspection : नांदेड तालुक्यात १५ सप्टेंबरपर्यंत ई-पीक पाहणी
नांदेड| ई-पीक पहाणी करण्यासाठी जिल्हाधिकारी राहुल कर्डिले व उप विभागीय अधिकारी नांदेड डॉ. सचिन खल्लाळ यांच्या मार्गदर्शनानुसार नांदेड तालुक्यात ग्रामीण भागात ई-पीक पहाणी करण्यासाठी जवाहरलाल नेहरू समाजकार्य महाविद्यालय व संशोधन केंद्र सिडको नांदेड येथील एमएसडब्लू व बीएसडब्लूच्या विद्यार्थ्यांचे सहकार्य घेण्यात येणार आहे. याबाबत या विद्यार्थ्यी यांना नियोजन भवन नांदेड येथे नविन ई-पीक पहाणी (डीसीएस) अँपचे पीपीटीव्दारे प्रशिक्षण ४ सप्टेंबर रोजी देण्यात आले.
तहसिलदार नांदेड संजय वारकड यांनी विद्यार्थ्यांना मार्गदर्शन करून 15 सप्टेंबर 2025 पर्यंत शेतकरी लॉगीन मधून ई पीक पाहणी पुर्ण करून घेण्याबाबत सुचना केल्या. ई पीक पाहणीच्या अनुषंगाने तहसील कार्यालयाच्यावतीने सर्व बीएसडब्लू व एमएसडब्लूच्या विद्यार्थ्यांचे प्रशिक्षण देण्यात आले . एका गावामध्ये एक किंवा दोन-तीन असे विद्यार्थ्यांची नेमणूक केली...