Osmannagar ; डॉ बाबासाहेब आंबेडकर जयंती अनोख्या उपक्रमाने साजरी संशोधक प्रा. डॉ. उमाकांत तुंबरफळे यांचा उस्माननगर पत्रकार संघाकडून गौरव
उस्माननगर, माणिक भिसे l उस्माननगर येथील उस्माननगर विभाग ग्रामीण मराठी पत्रकार संघाच्या वतीने भारतरत्न डॉ बाबासाहेब आंबेडकर यांची जयंती सोमवारी दि. १४ रोजी साजरी करण्यात आली.
या निमित्त उस्माननगरचे नाव जागतिक स्तरावर गाजवणारे येथील भूमिपुत्र प्रा. डॉ. उमाकांत तुंबरफळे यांच्या संशोधनाला जागतिक स्तरावर पेटंट मिळाले याबद्दल उस्माननगर येथील आचार्य बाळशास्त्री जांभेकर पत्रकार सभागृहात सहाय्यक पोलीस निरीक्षक महेश मुळक यांच्या हस्ते शाल, पुष्पहार देवुन यथोचित सन्मान करण्यात आला.
स्वामी रामानंद तीर्थ मराठवाडा विद्यापीठाअंतर्गत विविध महाविद्यालयांतील प्राध्यापकांनी संयुक्तरीत्या विकसित केलेल्या गॅस सेन्सर संशोधनास जर्मनीकडून आंतरराष्ट्रीय पेटंट प्राप्त झाले. हे संशोधन एक महत्त्वपूर्ण पाऊल मानले जात असून, भविष्यात औद्योगिक सुरक्षा क्षेत्रात त्याचा मोठा उपयोग होण्याची शक्यता आहे.
विद्यापी...