Create public awareness | अतिसार रोखण्यासाठी तसेच ओला व सुका कचरा विलगीकरणासाठी गाव स्तरावर मोठया प्रमाणात जनजागृती करा -NNL
नांदेड| अतिसार रोखण्यासाठी तसेच ओला व सुका कचरा विलगीकरणासाठी गाव स्तरावर मोठया प्रमाणात जनजागृती करावी, असे प्रतिपादन नांदेड जिल्हा परिषदेचे जिल्हा पाणी व स्वच्छता मिशनचे प्रकल्प संचालक तथा उप मुख्य कार्यकारी अधिकारी नारायण मिसाळ यांनी केले. केंद्र व राज्य शासनाच्या वतीने स्टॉप डायरिया अभियान तसेच स्वच्छतेचे दोन रंग- ओला हिरवा, सुका निळा ही मोहिम सुरू असून या माहिम गतिमान करण्यासाठी आज मंगळवार दिनांक 16 जुलै रोजी जिल्हा परिषदेच्या यशवंतराव चव्हाण सभागृहात जिल्हास्तरीय प्रशिक्षण कार्यशाळा घेण्यात आली. त्यावेळी ते बोलत होते.
यावेळी उप मुख्य कार्यकारी अधिकारी राजकुमार मुक्कावार, नरेगाचे उप मुख्य कार्यकारी अधिकारी अमित राठोड, जिल्हा आरोग्य अधिकारी डॉ. संगीता देशमुख, अतिरिक्त जिल्हा आरोग्य अधिकारी डॉ सलमा हिराणी, ग्रामीण पाणीपुरवठा विभागाचे उप अभियंता वाडिकर, जिल्हा पाणी ...