Publicly appointed Mayor Rafiq Seth : २०२७ मध्ये नूतन पत्रकार भवनात भव्य पत्रकार सन्मान सोहळा घेणार – लोकनियुक्त नगराध्यक्ष रफिक सेठ
हिमायतनगर (अनिल मादसवार) मराठी पत्रकारितेचे जनक, दर्पणकार आचार्य बाळशास्त्री जांभेकर यांनी सुरू केलेल्या पहिल्या मराठी वृत्तपत्र ‘दर्पण’ च्या स्मृतिप्रीत्यर्थ साजऱ्या होणाऱ्या दर्पण दिन व मराठी पत्रकार दिनानिमित्त, पुढील वर्षी म्हणजेच २०२७ साली नूतन पत्रकार भवनात दर्पण दिन व भव्य पत्रकार सन्मान सोहळा आयोजित करण्यात येईल, असे आश्वासन हिमायतनगर नगरपंचायतीचे लोकनियुक्त नगराध्यक्ष रफिक सेठ (शेख रफिक शेख महेबूब) यांनी दिले.
दर्पण दिनानिमित्त मंगळवार, दि. ६ जानेवारी २०२६ रोजी दुपारी ०२ वाजता नगराध्यक्ष कार्यालय, हिमायतनगर (जि. नांदेड) येथे पत्रकार सन्मान सोहळ्याचे आयोजन करण्यात आले होते. या कार्यक्रमात हिमायतनगर शहर व ग्रामीण भागातील पत्रकारांचा प्रमाणपत्र व पेन देऊन सन्मान करण्यात आला. यावेळी उपस्थित पत्रकार बांधवांना दर्पण दिन व राष्ट्रीय मराठी पत्रकार दिनाच्या हार्दिक शुभेच्छा देण्यात आल्य...