मुंबई | हदगाव तालुक्यातील बनचिंचोली येथील शाळेच्या जागेबाबत निर्माण झालेला वाद अत्यंत गंभीर ठरत असून त्यामुळे अनेक विद्यार्थ्यांचे शैक्षणिक नुकसान होत असल्याच्या पार्श्वभूमीवर १२ मार्च २०२६ रोजी दुपारी विधानभवन, मुंबई येथे महत्वपूर्ण बैठक पार पडली.
ही बैठक Rahul Narwekar यांच्या दालनात झाली. बैठकीस Jaykumar Gore, Dadaji Bhuse तसेच आमदार Baburao Kadam Kohlikar यांची प्रमुख उपस्थिती होती. बैठकीत जिल्हा परिषदांच्या मालकीच्या शाळांच्या जागांबाबत उद्भवलेल्या अडचणी, त्यावरील न्यायालयीन प्रकरणे तसेच शाळांच्या इमारतींबाबत सविस्तर चर्चा करण्यात आली. विशेषतः बनचिंचोली येथील प्रकरणासह राज्यातील जिल्हा परिषदांच्या मालकीच्या शाळांच्या जागांचा आढावा घेण्यात आला.
ज्या प्रकरणांमध्ये न्यायालयीन प्रक्रिया सुरू असून पॅनेलवरील वकील कार्यरत आहेत, त्या ठिकाणी कामात कसूर झाल्यास संबंधित वकिलांवर कारवाई करण्याबाबतही चर्चा झाली. तसेच ज्या ठिकाणी शाळेच्या जागेबाबत अडचणी निर्माण झाल्या आहेत, त्या ठिकाणी पर्यायी जागा उपलब्ध करून देत शाळेच्या इमारतीचे बांधकाम करण्याबाबत संबंधित अधिकाऱ्यांना सूचना देण्यात आल्या. या विषयात कोणत्याही प्रकारची हलगर्जी आढळल्यास संबंधित दोषींवर कठोर कारवाई करण्यात येईल, असे स्पष्ट निर्देश बैठकीत देण्यात आले.
या बैठकीस अपर मुख्य सचिव एकनाथ डवले, प्रधान सचिव (ग्रामविकास) रणजित सिंह देवल, प्रधान सचिव (शालेय शिक्षण) संजय पचगले, शिक्षण उपआयुक्त लातूर, शिक्षण आयुक्त महाराष्ट्र राज्य पुणे, जिल्हा परिषद नांदेडचे मुख्य कार्यकारी अधिकारी, शिक्षण संचालक (माध्यमिक) पुणे, शिक्षणाधिकारी (प्राथमिक) जि.प. नांदेड, उपसचिव श्रीमती वै.शि. डिगे, अवर सचिव विजय भोसले, अति मुख्य कार्यकारी अधिकारी संदीप माळोदे, शिक्षण अधिकारी श्रीमती वंदना फुटाणे, गटविकास अधिकारी डी.के. अडेराघो तसेच इतर संबंधित अधिकारी उपस्थित होते.
