हिमायतनगर, उत्कर्ष मादसवार| नगरपंचायत निवडणुकीचे नामांकन भरण्याच्या शेवटच्या टप्प्यात हिमायतनगरच्या स्थानिक राजकारणात नवीन घडामोडींना वेग आला आहे. या पार्श्वभूमीवर वंचित बहुजन आघाडीचे कार्यकर्ते तसेच नांदेड जिल्हा युवा सहसचिव विशाल हानवते हे वार्ड क्रमांक सात मधील भावी नगरसेवक पदाचे प्रमुख दावेदार म्हणून जोरदारपणे पुढे येत आहेत.
विशाल हानवते यांच्या नावावर सध्या राजकीय वर्तुळात चर्चेची जोरदार लगबग सुरू असून, युवकांच्या नेतृत्वाला मिळणारा नागरिकांचा प्रतिसादही उत्साहवर्धक आहे. समाजकार्य, प्रामाणिकपणा, स्पष्ट भूमिका आणि विकासासाठी असलेली बांधिलकी या गुणांमुळे स्थानिक नागरिकांमध्ये त्यांच्या नावाबद्दल विश्वासाचे वातावरण निर्माण होत आहे.
वंचित बहुजन आघाडीच्या स्थानिक संघटनातही हानवते यांचा प्रभाव सतत वाढत असून, बदल आणि विकासाचा चेहरा म्हणून त्यांची प्रतिमा अधिक दृढ होत आहे. वार्ड क्रमांक सातमधील अनेक नागरिक त्यांच्या नेतृत्वाकडून सकारात्मक अपेक्षा बाळगत असल्याचे दिसून येत आहे.
