भोकर,साई चौहान| येथील न्यायालयातील ॲड .शिवाजी कदम नागापूरकर यांना भारत सरकारने दिनांक १६जुलै रोजी नोटरी प्रमाणपत्र प्रदान केले.
भोकर तालुक्यातील नागापूर येथील रहिवाशी ॲड शिवाजी कदम हे२००९ पासून वकिली करतात.त्यांनी उपेक्षित घटकांची वकिली न्यायालयात व न्यायालयाबाहेर केली. वेगवेगळ्या शासकीय कार्यालयात जाऊन त्यांची बाजू मांडली. शेतकऱ्यांची महसुली प्रकरणे, शेतीची प्रकरणे, रस्त्याची प्रकरणे मार्गी लावली. अनेक फौजदारी खटले यशस्वीरित्या हाताळून लोकांना न्याय मिळून दिला.तालुक्यातील अनेक गावात जाऊन कायद्याची माहिती दिली.
वकिली सोबतच सामाजिक, शैक्षणिक, राजकीय आशा वेगवेगळ्या क्षेत्रात काम करतात.मोफत वैद्यकीय सेवा, मोफत विधी सल्ला यांची माहिती देण्याचे कामही ॲड.शिवाजी कदम यांनी केले. केलेल्या कार्याची दखल घेत भारत सरकारने त्यांना संपुर्ण महाराष्ट्र राज्यासाठी नोटरी प्रमाणपत्र प्रदान केले. सरकारकडून नोटरी प्रदान करण्यात आल्याने अनेकांनी ॲड.शिवाजी कदम यांचे अभिनंदन केले आहे
