नवीन नांदेड l कुसुमताई माध्यमिक विद्यालय सिडको येथील विद्यार्थी वैभव शिवकुमार पईतवार याने 2024-25 मध्ये घेण्यात आलेल्या महाराष्ट्र राज्य लोकसेवा आयोगाच्या परीक्षेत उत्तीर्ण होऊन इतिहास रचला आहे. याच यशाचं औचित्य साधून शाळेच्या प्राचार्या सौ. शशिकलाताई जाधव- बिरादार यांनी वैभवचं भव्य सत्कार करण्याचं आयोजीलं.
संस्थेचे सचीव संभाजीराव बिरादार यांच्या हस्ते विद्यालयाच्या प्रांगणात यशस्वी वैभव पईतवार यांचा भव्य सत्कार करण्यात आला. याप्रसंगी प्राचार्या शशीकला बिरादार ,पर्यवेक्षक शेख निजाम गवंडगावकर, सौ. उज्वला सावते सांस्कृतिक प्रमुख विश्वास हंबर्डे, वंदना सोनाळे ,सर्व शिक्षक शिक्षकेतर कर्मचारी उपस्थित होते.
आश्चर्याची गोष्ट अशी की विजेचा शाॅक लागल्यामुळे दोन्ही हात निकामी झाले होते. कधी हाताने तर कधी पायाने अक्षरे गिरवीत हा मोठा यश त्यांनी मिळवला. आणि महसूल साहायक पदावर आरूढ झाला. तो येथेच न थांबता क्लास वन अधिकारी होण्याचं स्वप्न आपल्या मातृशाळेतील भावंडा समोर बोलून दाखवला.
वडिल ॲटो रिक्षाचालक ,आई गृहणी घरात अनेक भावंडांची रेलचेल खाण्याची वणवण ,दारिद्रयाची भणभण अन् पैशाची चणचण घेऊन वैभव दिवसागणिक अधिकारी होण्याची अशक्यप्राय स्वप्ने पहात होता. त्यांच्या कठोर परिश्रमाला यश आलं इकडे आई-वडिलांच्या जीवनाचं सार्थक झालं.
