Venkatesh Balaji Temple : वाढोण्याच्या व्यंकटेश बालाजी मंदिरात घटस्थापनेने ब्रम्होत्सव सुरु; विजयादशमीला होणार बुंदीच्या प्रसादाचे वितरण
हिमायतनगर (अनिल मादसवार) येथील आठशे 10 हून अधिक वर्षापूर्वीच्या पुरातन कालीन भगवान व्यंकटेश बालाजी मंदिरात ब्रम्होत्सावाला सुरुवात झाली असून, सकाळी 4 वाजता अभिषेक महापुजेणे घटस्थापना करण्यात आली, यां निमित्ताने शेकडो भाविक भक्तांनी बालाजीचे दर्शन घेण्यासाठी गर्दी केली होती.
शेकडो वर्षापूर्वीचे यादव कालीन भगवान व्यंकटेश बालाजीचे मंदिर हिमायतनगर (वाढोणा) शहरातील बजरंग चौकाच्या पश्चिम बाजूस आहे. त्यानंतरच्या काळात मंदिराची दुरुस्ती झाल्यामुळे सदर मंदिर पुरातन वाटत नसले तरी मंदिरातील मुर्त्या व बांधकामाच्या दगडावरून हेमाडपंती कलेची मांडणी दिसून येते. बालाजीचे मंदिर हे पूर्वाभिमुख असून, पूर्व - पश्चिम ३३ फुट ४ इंच लांबी, तर दक्षिण - उत्तर रुंदी २७ फुट ६ इंच आहे. मंदिराचे बांधकाम ४ फुट उंचीच्या जोत्यावर करण्यात आलेले असून, मंदिराच्या उभारणीत मोठ मोठ्या दगडांच्या शिळा लावलेल्या आहे...