हिमायतनगर,अनिल मादसवार│राष्ट्रवादी काँग्रेसचे उमेदवारांना प्रचंड बहुमताने निवडून देत हिमायतनगर शहराचा विकास सध्या करा असे आवाहन राष्ट्रवादी युवक काँग्रेसचे जिल्हा अध्यक्ष इंजी. स्वप्नील इंगळे यांनी केले.
आगामी नगरपंचायत निवडणुकीच्या पार्श्वभूमीवर राष्ट्रवादी काँग्रेस पक्षाच्या प्रचाराला वेग आला आहे. नगराध्यक्ष पदाचे राष्ट्रवादी काँग्रेस (अजितदादा गटाचे अधिकृत उमेदवार मोहम्मद जाविद भाई हाजी अब्दुल गणी) तसेच वॉर्ड क्रमांक १७ चे उमेदवार अशोक लुटे यांच्या प्रचारार्थ फुलेनगर भागात भव्य कॉर्नर सभा आयोजित करण्यात आली.
या बैठकीला राष्ट्रवादी युवक काँग्रेसचे जिल्हा अध्यक्ष इंजी. स्वप्निल इंगळे पाटील, तालुका अध्यक्ष वामनराव मिरासे, सामाजिक कार्यकर्ते अभिषेक भाऊ लुट्टे तसेच राष्ट्रवादी काँग्रेसचे सर्व पदाधिकारी, महिला कार्यकर्त्या व स्थानिक नागरिक मोठ्या संख्येने उपस्थित होते.
यावेळी वक्त्यांनी जाविद भाई व अशोक मामा लुट्टे यांच्या विकासाभिमुख कार्यशैलीचा उल्लेख करत आगामी निवडणुकीत राष्ट्रवादी काँग्रेसला विजय मिळवून देण्याचे आवाहन जनतेला केले. फुलेनगर व परिसरातील मूलभूत सुविधा, पाणीपुरवठा, रस्ते, स्वच्छता आणि नवविकास प्रकल्पांबद्दल विविध आश्वासने देत उमेदवारांनी जनतेशी संवाद साधला. कॉर्नर बैठकीस उत्स्फूर्त प्रतिसाद मिळाल्याने राष्ट्रवादी काँग्रेस कार्यकर्त्यांमध्ये उत्साहाचे वातावरण पाहायला मिळाले.
