हदगांव l शहरातील बांधकाम कामगाराचे नविन ऑन लाईन व नुतनीकरण बांधकाम कामगाराच्या पात्र नोंदणी अर्जाला कोणती त्रुटी नसताना सुध्दा संबंधित बांधकाम कामगार मंडळा कडुन जाणुन बुजून त्रुटीमध्ये टाकत असल्याने दिव्यांग विकास संघर्ष समितीचे संस्थापक अध्यक्ष समीर पटेल यांनी जिल्हा व स्थानिक प्रशासनाला निवेदन दिले आहे.
बांधकाम कामगाराचे अर्ज वारंवार त्रुटीत काढल्याने तो अर्ज पुन्हा ऑन लाईन करुन दुस-या तारखेला हजर राहण्यासाठी कामगाराचे रोजगार बुडत आहे. व ऑन लाईन पुन्हा करण्यासाठी कामगारांना आर्थिक भुर्दंड सोसावा लागत आहे. बांधकाम कामगाराचे संबंधित अधिकारी व कर्मचारी कोणतीही त्रुटी नसताना पात्र बांधकाम कामगाराच्या अर्जात जाणुन बुजून त्रुटीत काढत आहे. त्यामुळे बांधकाम कामगारांना त्यांच्यासाठी असलेल्या सर्व शासकिय योजनेचा त्यांना लाभ मिळत नाही. व तसेच कामगाराचे अर्ज पात्र होत नसल्याने त्यांना सुरक्षा संच व भांडी संच सुध्दा मिळत नाही.
व तसेच शैक्षणिक योजना, सामाजिक योजना, आरोग्य योजना आणि आर्थिक योजनेपासुन बांधकाम कामगार हे त्यांच्या हक्कांच्या योजनेपासुन संबंधित कार्यालया मार्फत त्यांना वंचित ठेवले जात आहे. आणि ज्या बांधकाम कामगारांने क्लेम दाखल केले असता सुध्दा त्यांचे क्लेम मध्ये संबंधित कार्यालया मार्फत वारंवार त्रुटीत टाकुन नाकारत आहे. त्यामुळे बांधकाम कामगाराचे मानसिक व शारिरीक आणि आर्थिक नुकसान होत आहे.यावर्षी सतत पाऊसाचे पाणी पडत असल्याने बांधकाम कामगाराला रोज मजुरी लागत नाही. त्यामुळे बांधकाम कामगारासह त्यांच्या कुंटूंबावर उपासमारीची वेळ आली आहे.
यापुढे संबंधित सर्व पात्र बांधकाम कामगारांचे नविन ऑन लाईन व नुतनीकरण नोंदणी पात्र अर्जाला जाणुन बुजून जर पुन्हा पुन्हा त्रुटीत काढत असेल तर दिव्यांग विकास संघर्ष समिती मार्फत जिल्हातील मुख्य बांधकाम कामगार कल्याणकारी मंडळात सर्व बांधकाम कामगारसह तिव्र आंदोलन करण्यात येईल.
व तसेच जिल्हातील सर्व तालुक्यातील इमारत व इतर बांधकाम कामगार कल्याणकारी सुविधा केंद्र कायम स्वरुपी बंद करण्यायत येईल. असा ईशारा दिव्यांग विकास संघर्ष समितीचे संस्थापक अध्यक्ष समीर पटेल यांनी दिला आहे. त्यांच्या सोबत आयुब प्लंबर, शेख जब्बार, सलमान खान पठाण, रशिद शाह, शेख अतिख, सुनिल सावते, सय्यद ईसराईल, एजाज भाई आदीसह यावेळी हजर होते….
