Petition against Shri Sant Sevalal Maharaj Memorial dismissed by Supreme Court -

भोकर l भोकर येथील श्री संत सेवालाल महाराज स्मारकाच्या बांधकामाविरोधातील याचिका सर्वोच्च न्यायालयाने रद्दबातल केली आहे. या निर्णयाचे खा. अशोकराव चव्हाण यांनी स्वागत केले असून, बंजारा समाजात आनंद व्यक्त केला जातो आहे. न्या. अहसानुद्दीन अमानुल्लाह व न्या.एस.व्ही.एन. भट्टी यांच्या खंडपिठाने ही याचिका अर्थहीन असल्याचे सांगून निकाली काढली. या निर्णयामुळे निर्माणाधीन असलेल्या या स्मारकाच्या पुढील बांधकामाचा मार्ग मोकळा झाला आहे. माजी मुख्यमंत्री खा. अशोकराव चव्हाण यांच्या पुढाकारातून भोकर येथील नगर परिषदेच्या मालकीचा भूखंड श्री संत सेवालाल महाराज स्मारक तथा सामाजिक सभागृहासाठी देण्यात आला होता. सुमारे ७ कोटी रुपये अंदाजित खर्च असलेल्या या स्मारकाचे १७ ऑगस्ट २०२४ रोजी तत्कालीन पालकमंत्री ना. गिरीश महाजन यांच्या हस्ते व माजी मुख्यमंत्री खा. अशोकराव चव्हाण, राज्यपाल नियुक्त विधान परिषद सदस्य आ. ब...